Edhe pse presidenti rus Vladimir Putin akuzoi Shqipërinë dhe Kosovën se po dërgojnë mercenarë për të luftuar në Ukrainë, të vetmit nga Ballkani që po shkojnë në vendin e pushtuar nga Rusia janë serbe. Pas akuzave të forta të Putin por edhe ministrit të jashtëm rus Sergei Lavrov, një investigim i Birn ka zbuluar se dhjetëra mersenarë serbë të Serbisë dhe Bosnjës kanë mbërritur në Ukrainë për të luftuar në krah të ushtrisë ruse. Ndërkohë që nuk ka konfirmime për asnjë shqiptar që ka shkuar të luftojë, thirrjet që vullnetarë nga Bosnja dhe Serbia t’i bashkohen forcave pro-ruse në Ukrainë po marrin një përgjigje të fortë në rrjetet sociale.