Ministria e Brendshme referuar të dhënave të gjendjes civile ka publikuar listën e plotë të shtetasve shqiptarë me të drejtë vote. Kështu sipas ministrisë të drejtën e votës e kanë mbi tre million e 500 shtetas shqiptarë, (3,588,869), nga të cilët 50.5 % e janë meshkuj dhe 49.5 % janë femra. Gjithashtu nga faqja zyrtare e ministrisë të brendshme mësohet se për herë të parë në zgjedhjet e 25 prillit do të votojnë 107,024 zgjedhës, ndërsa raportohet se 1,098 shtetas nuk janë përfshirë në lista për shkak të dekriminalizimit. Drejtori i Gjendjes Civile, Bledar Doracaj, tregon se procesi i hartimit të listave është hartuar nën mbikëqyrjen e auditit teknicien të KQZ në çdo etapë të tij Teksa bëhet e ditur se në të gjithë vendin do të jenë 5,199 qendra votimi, Doracaj i bëri thirrje qytetareve që të verifikojnë emrat dhe kush ka pretendimi duhet ti drejtohen zyrave të gjendjes civile, që do të jenë të hapura nga e hënë në të shtunë.