Ish-kancelarja gjermane, Angela Merkel, zbuloi të enjten se Berlini kishte filluar të merrte sinjale që në fillim të vitit 2021 se Rusia mund të pushtonte Ukrainën. Merkel deklaron se donte të organizonte bisedime mes palës evropiane dhe presidentit të Rusisë, Vladimir Putin, një vit para pushtimit të Ukrainës. Por, ajo tha se në fund e kishte parë se nuk kishte mjaftueshëm fuqi për të ndikuar te presidenti rus, pasi që ishte në fund të mandatit të saj. Merkel tha të enjten se ajo dhe presidenti i Francës, Emmanuel Macron, kishin plan të zhvillonin bisedime me Putinin në Këshillin Evropian, në vitin 2021, që për të ishte viti i fundit si kancelare e Gjermanisë.