Teoria se kushton më lehtë parandalimi, sesa kurimi është ajo me të cilën mjekët po japin argumentet e tyre lidhur me mbajtjen e maskave sapo del nga shtëpia. Ministrja Ogerta Manastirliu ka postuar në faqen e saj zyrtare në rrjetin social facebook një mesazh të doctor Tritan Kalo, që e vë theksin tek parandalimi nga përdorimi i maskës mrbojtëse. “Mbyllja e vendit do shkaktonte shumë probleme dhe për ta mbyllur është kollaj, por problemi është për të mbyllur mundësinë e përhapjes së infeksionit në popullatë. Dhe një nga këto mënyra për të mbyllur, ose për të pakësuar rrezikun e infeksionit, është pikërisht mbyllja e hyrjes së mikroorganizmit që quhet Sars-Cov 2 në rrugët tona të sipërme respiratore dhe mbajtja e një maske ose një mbulese të këtyre vijave për të pakësuar sasinë e depërtimit të virusit në organizmin tonë”. Mjeku thekson se është më lehtë të parandalojmë se sa të kurojmë, duke këshilluar që maska nuk duhet të mbulojmë mjekrën, por dy vrimat hyrëse të ajrit, siç është hunda dhe goja.