Asnjë sondazh nuk i ka dhënë fitoren, por realiteti i dhimbshëm është se e djathta ekstreme po fiton terren të paprecedentë në historinë e Francës, duke i bërë rezultatet e zgjedhjeve të 24 prillit, në një nga super fuqitë e Bashkimin Evropian, të paparashikueshme. Marine Le Pen, një nga kandidatet kryesore për presidencën franceze, ka deklaruar vazhdimishr në të kaluarën se i shqiptarët janë azilkërkuesit më të mëdhenj në numër në vend. Liderja e Fronit Kombëtar, një parti e ekstremit të djathtë është shprehur, gjithnjë kundër emigrantëve të huaj në Francë por edhe kundër zgjerimit të mëtejshëm të Bashkimit Europian duke kundërshtuar hyrjen e Shqipërisë dhe vendeve të tjera në Ballkanin Perëndimor në union. “Kërkuesit më të mëdhenj të azilit janë shqiptarë, dhe kërkesat e tyre as që duhet të merren parasysh”, shprehej Le Pen në vitin 2017 duke shpalosur programin e saj politik. Në vitin 2019, kandidatja për presidente ka kritikuar vendimin e Komisionit Europian për të hapur bisedimet e anëtarësimit me Shqipërinë dhe Maqedoninë.