Incidentet nuk kanë vonuar të shfaqen në këtë ditë zgjedhor. Partia socialiste ka denoncuar kandidatin e koalicionit Bashkë Fitojmë në qytetin e elbasanit, Luciano Boci, pasi sipas saj ai ka ushtruar presion ndaj votuesve dhe komisionerëve. Sipas zyrës së shtypit të PS, Boci ka hyrë në ambjentet e disa qendrave të votimit, i shoqëruar nga një grup personash të paautorizuar, mes të cilëve edhe një person me precedentë penalë. Në këto qendra ai ka intimiduar operatorët përgjegjës të pajisjeve të votimit elektronik, komisionerët dhe zgjedhësit që kanë qenë duke pritur në radhë për të votuar – thotë PS. Madje, në shkollën Dhaskal Todri, gjithnjë sipas të njëjtit njoftim, është kërkuar edhe ndihma e policisë pasi sipas anëtarëve të komisionit, deputeti Flamur Noka ka hyrë në qendrën e votimit.