Universiteti i Kalifornisë Jugore njoftoi të enjten se ka anuluar ceremoninë kryesore të diplomimit këtë vit, për shkak të masave të sigurisë si pasojë e protestave kundër luftës në Gazë mes Izraelit dhe Hamasit. “Ne nuk do të jemi në gjendje të organizojmë ceremoninë kryesore që tradicionalisht mbledh bashkë 65.000 studentë, familje dhe miq në kampusin tonë në të njëjtën kohë”, tha universiteti. Lufta në Gazë ka nxitur tensionet në universitetet amerikane dhe ka nxitur studentët të ngrenë kampe proteste në kampuse, në gjithë vendin ditëve të fundit. Qindra protestues janë arrestuar, përfshirë më shumë se 90 në Universitetin e Kalifornisë Jugore të mërkurën. Disa universitete kanë thirrur policinë për të shpërndarë protestuesit, ndërsa të tjerë kanë vendosur të presin përfundimin e protestave, pasi semestri i këtij viti është afër fundit.