Prokuroria e Tiranës ka nisur hetimet, pas vetëvrasjes të 65-vjeçarit Hasan Mira, që u hodh dje nga dritarja e katit të katërt të spitalit ‘Shefqet Ndroqi’. 65 vjeçari kishte dy ditë që ishe shtruar në këtë spital pasi kishte rezultuar pozitiv me Covid 19 dhe gjendja e tij shëndetësore ishte e rënduar. Kjo vetëvrasje ishte e dyta brenda pak kohësh në këtë spital, pasi më 13 gusht u hodh nga dritarja edhe një pacient 29 vjeçar. Mësohet se Prokuroria po heton kushtet se si po trajtohen të sëmurët në këtë spital. Janë caktuar dy prokurorë për të hetuar këtë çështje të cilët kanë marrë nga spitali edhe kartelat e dy viktimave. Prokurorët kanë marrë në pyetje familjarët e viktimave dhe mjekët që i kanë kuruar. Si 29-vjeçarit Xhino Koça dhe 65-vjeçari Hasan Mira e kanë kryer aktin e vetflijimit në kushte të rënduara psikologjike. 29 vjeçari po merrte mjekim në këtë spital dhe ishte drejt shërimit, ndërsa 65 vjeçari ishte në gjendje të rëndë shëndetësore, po jo në intubim.