Projekti I Këshillit të Lartë Gjyqësor për të shkurtuar numrin e gjykatave të nivelit të parë përmes hartës së re gjyqësore është kundështuar ashpër nga Dhoma e Avokatisë së Shqipërisë. Nëpërmjet një deklarate, Kryetari i Dhomës të Avokatisë të Shqipërisë, Maksim Haxhia, shprehet se drafti i KLGJ është i pastudiuar dhe i njëanshëm dhe se duhet të bëhet pjesë e diskutimeve me të gjithë aktorët. Po ashtu Haxhia thekson se, sipas tij, ulja e numrit të gjykatave do të sjellë edhe kosto financiare për qytetarët."Draft është në injorim të plote te mosthithjes së opinionit të grupeve të interesit ku në vend parësor është Dhoma e Avokatisë në të dy nivelet, në atë kombëtar dhe lokal”, thuhet në deklaratën e Haxhisë. Sipas tij projekti krijon pasoja të rënda në organzimin dhe ushtrimin juridiko-profesional të të gjithë aktorëve në proces. “Ju bëjmë thirrje dhe këkrojmë që ky draft hartë të bëhet objekt i diskutimeve të detajuara me pjesëmarrjen e gjithë aktorëve të drejtësisë pa përjashtuar edhe shoqërine civle për shkak të aksesit në gjykata të publikut si dhe kostove financiare të renduara që pas sjell ky draft për publikun ", përvundon reagimim. Dhoma e Avokatisë i bën thirrje KLGJ, KLP dhe ILD që të marrin me seriozitetin dhe përgjegjësinë 'më të madhe' hedhjen e këtij hapi 'me shumë pasoja për të gjithë'. Duke e konsideruar 'praktikë të pastudiuar', Dhoma e Avokatisë i kërkon KLGJ që të heqë dorë ose në të kundërt paralajmërojnë për qëndrim të përshkallëzuar. Edhe ministrja e Drejtësisë, Etilda Gjonaj e ka cilësuar projektin një vendim të KLGJ që nuk i shërben qytetarëve'. Gjonaj ka kërkuar që harta e re gjyqësore duhet të bëhet në bashkëpunim mes KLGJ-së dhe Ministrisë së Drejtësisë.