Një instrument në roverin e NASA-s, Perseverancë, që ndodhet në mars, ia ka dalë mbanë të prodhojë oksigjen nga atmosfera me dioksid karboni e planetit. Ky është demonstrimi teknologjik i dytë i suksesshëm i miisonit, që të premten e kaluar mundi edhe të bënte të fluturonte një mini helikopter. Gjenerimi i oksigjenit ëhstë performuar nga një njësi e përfshirë në rover, që quhet Moxie, ose eksprimenti i gjenerimit të oksigjenit nga burimet e marsit. Njësia mundi të prodhonte 5 gramë oksigjen, një sasi ekuivalente kjo që një astronaut në mars do ta konsumonte për 10 minuta. Nasa mendon se në të ardhmen, misionet njerëzore do të pajiseshin me versione më të sofistikuara të Moxie-t në planetin e kuq në vend që të merrnin nga toka të gjithë oksigjenin që i nevojitet për ti mbështetur ata. Oksigjeni është edhe një pjesë integrale e kimisë që përdoret për shtytjen e raketës. Atmosfera e marsit dominohet nga dioksidi i karbonit në një përqendrim prej 96 për qindësh. Oksigjeni përbën vetëm 0.13 për qind, krahasuar me 21 për qind që zë ai në atmosferën e tokës. Moxie ëhstë në gjendje të nxjerrë atome oksigjeni nga molekulat e dioksidit të karbonit që përbëhen nga një atom karboni dhe dy atome oksigjeni. Ekipi i nasa-s që qëndron pas Moxie, pret që njësia të mund të prodhojë deri në 10 gramë oksigjen për orë.