Të akuzuarit për sulmin terrorist në Banjskë të Zveçanit, ku humbi jetën rreshteri Afrim Bunjaku, vijojnë gjykimin në Gjykatën Themelore të Prishtinës. Por ndryshe nga seancat e tjera të cilat janë mbajtur të hapura për publikun, me kërkesë të prokurorisë, u vendos që seanca e të enjtes të mbahej me dyer të mbyllura. Shkak për këtë është bërë dëshmia që sipas prokurorit të çështjes NaimAbazi, përfshin informacione të ndjeshme, përfshirë edhe ato të sigurisë kombëtare. SINK "Kjo seancë e dëgjimit të dëshmitarit të jetë e mbyllje për publikun për arsye se dëshmia e këtij dëshmitari është e ndjeshme, në të cilën përfshihen informata të sigurisë kombëtare, strukturave paralele në veri të vendit si dhe përfshin personazhe që janë përfshirë në ngjarjen e rëndë në fshatin Banjskë e cila ka pasur pasoja serioze kushtetuese.”