Policia rrugore e Tiranës ka ndërmarrë një kontroll dhe verifikim nëpër rrugët e kryeqytetit për verifikimin e të gjithë automjeteve që përdorin simbole apo shenja dalluese qe tregojnë cilësinë e një punonjësi shtetëror apo shërbimi publik si dhe ato me sisteme shtese pamore e zanore që përdoren në mënyrë abuzive dhe në kundërshtim me dispozitat e përcaktuara në Ligj. Në funksion te kontrolleve, dy ditet e fundit jane verifikuar nje numer i konsiderueshem mjetesh, si dhe jane proceduar disa drejtues që kishin vendosur sisteme shtese pamore ne kundershtim me dispozitat e parashikuara në Kodin Rrugor, shkelje për të cilat u janë pezulluar edhe lejet e drejtimit sipas afateve të parashikuara në Ligj. Gjithashtu jane proceduar penalisht 4 drejtues mjetesh pasi janë kapur në kushtet e flagrances dhe janë shoqëruar për veprime të tjera hetimore për veprën penale te parashikuar nga neni 247 i Kodit Penal.