Prej orës 7 të mëngjesit ka nisur procesi i votimit në të gjithë Shqipërinë, teksa nuk kanë munguar edhe problematikat, kryesisht të lidhura me sistemin elektronik të indentifikimit. Kështu në Shkodër e në Durrës është vënë re vështirësia e identifikimit të shenjave të gishtrinjve, kryesisht për personat e moshuar, siç shihet edhe nga videot që disponon Top News. Problematika të njëjta janë vërejtur edhe në qendra të tjera të votimit në të gjithë Shqipërinë. Edhe ish-kryeministrit Sali Berisha, iu deshën pak minuta për leximin elektronik të gishtit, në qendrën e votimti pranë shkollës “Kosova” në kryeqytet. Ndërkohë në qendra të tjera në të gjithë Shqipërinë, nuk munguan problem të karakterit elektronik, që penguin nisjen normale të votimit, megjithatë KQZ-ja urdhëroi vijimin e identifikimit manualisht, për të mos bllokuar procesin.