Një princ belg që u infektua me koronavirus, pasi mori pjesë në një festë në Spanjë, kërkoi falje dhe tha se “do t’i pranojë pasojat”. “Më vjen shumë keq për veprimet e mia”, tha ai. Princi Joachim, 28 vjeç, ka udhëtuar nga Belgjika për në Spanjë më 26 maj për një program të praktikës. Dy ditë më vonë, ai ka marrë pjesë në një festë në qytetin Kordoba. Sipas raporteve të mediave spanjolle, princi – nip i mbretit Philippe të Belgjikës – ka qenë në mesin e 27 njerëzve në festë.