Samsung të mërkurën prezantoi një version të ri të smartfonit të palosshëm bashkë me të tjera aparatura që synojnë të rrisin shitjet në një treg të goditur nga pandemia globale. Kolosi i elektronikës zbuloi paketën e fundit të tij, në eventin “Galaxy Unpacked”, duke patur si qëllim punën në distancë dhe tendencat e mësimit nga shtëpia, të nxitura këto në botë nga pandemia. “Misioni ynë është tju japim mënyra të reja për të komunikuar; mënyra të reja për të bërë punën tuaj”, tha presidenti i komunikimeve në samsung electronics, T.M. Roh. Samsung prezantoi edhe dy versione të smartfonit të tij të përmasave të mëdha, galaxu note20 dhe galaxy note 20 ultra, përmirësoi tabletet e quajtura tab s7 dhe s7+, një orë smart të re galaxy watch3 dhe kufjet ergonomike wireless të quajtura galaxy buds live.