Presidenti Joe Biden bëri thirrje të premten për bashkim të partisë për ta mposhtur atë që e quajti “vizion i errët” që përfaqëson kundërshtari i tij politik, ish-Presidentit Donald Trump. Komentet Biden vijnë përballë trysnisë së demokratëve në nivelet më të larta, që po kërkojnë nga ai të tërhiqet nga gara presidenciale dhe të hapë rrugë për një emërimmin e një kandidati të ri. Numri i atyre që kërkojnë largimin e Biden po rritet vazhdimisht, sidomos pas lajmit të shpërndarë ngë Shtëpia e Bardhë se Presidenti ka ndërprerë përkohësisht fushatën pasi rezultoi pozitiv me Covid. Presidenti, i cili këmbëngul se e mund kandidatin republikan Donald Trump, po konsultohet me familjen dhe po mbështetet tek disa këshilltarë të tij të besueshëm, ndërkohë që po përpiqet t’u rezistojë përpjekjeve për ta larguar nga gara. Në një deklaratë të premten, Biden tha se fjalimi i Trump në Kuvendin Kombëtar Republikan, shpalosi “një vizion të errët për të ardhmen.” Presidenti, që po përpiqet ta zhvendosë debatin politik nga e ardhmja e tij tek agjenda e kundërshtarit të tij, tha se kishte në plan t’i rikthehej fushatës javën e ardhshme.