Serbia duhet të ndalojë aktivitetet që kanë si qëllim destabilizimin e Kosovës në mënyrë që të marrë fund dhuna në veri të vendit, tha presidentja e Kosovës, Vjosa Osmani të enjten. “Sfida vjen nga Serbia, një vend që ende nuk i ka mbyllur llogaritë me të shkuarën e saj”, tha Osmani për agjencinë e lajmeve Reuters në korridoret e samitit evropian që po mbahet në Moldavi. “Situata është e tensionuar por ne duhet të sigurohemi që të kthejmë sundimin e ligjit në kosovë dhe të gjithë duhet ta kuptojnë se kërcënimi vjen nga refuzimi i serbisë për të njohur Kosovën si shtet sovran”, tha ajo. Osmani shtoi se serbia po mbështeste në mënyrë aktive strukturat ilegale në Kosovë për të destabilizuar vendin. “Presidenti vucic duhet të ndalë mbështetjen për grupet kriminale nëse ai me të vërtetë kërkon paqe. Ai duhet ta demonstrojë këtë”, tha Osmani.