Deputetët do të mblidhen sërish në seancë plenare në 23 maj, për të votuar kandidaturat për presidentin e ri të republikës. Ende pa asnjë emër në tavolinë, negociatat mes opozitës dhe mazhorancës, janë të vetmet, që mund të frenojnë djegien edhe të raundit të dytë të votimeve. Por, kompromisi duket se është larg palëve politike. Në konferencën e kryetarëve të kësaj të marte, Balla e quajti kontradiktore kërkesën e Alibeajt, që presidenti të zgjidhet nga opozita. Ju thoni se presidenti duhet të jetë mbi palët dhe më pas thoni që duhet ta zgjedhë opozita. Të drejtën grupit të PS-së për të propozuar emra nuk ja heq askush. Kam një muaj dhe më shumë që ju bëj thirrje publike që të vini dhe të ulemi. Me grupin që drejton Mediu jemi ulur dy herë. Tani do të diskutosh për emra. Nëse ne nuk propozojmë emra dhe ju nuk propozoni emra. Kur ulemi në tryezë ju thoni unë nuk jap emra se ju do të talleni me emrin tone. Duke i cilësuar mandatet e socialistëve, ilegjitime, kreu i grupit parlamentar të Partisë Demokratike, argumentoi se e drejta për të propozuar dhe për të caktuar kritere i takon opozitës. Sinkron Alibeaj: Partia Socialiste i ka mandatet e vjedhura, ndaj i takon opozitës …. Të caktojmë kriteret etj etj