Presidenti afgan Ashraf Ghani tha se ishte larguar nga vendi për të shmangur gjakderdhjen, ndërsa talebanët hynë në pallatin presidencial në Kabul. Në disa komente të tij në Facebook Ghani shkruante se ishte larguar për të shmangur përplasjet me talebanët që do të rrezikonin jetën e miliona banorëve të Kabulit. Këto janë komentet e tij të para që nga largimi nga vendi. Ghnai nuk dha detaje mbi vendndodhjen e tij aktuale. Por më herët agjencia e lajmeve Reuters njoftoi se Presidenti Ghani ishte nisur drejt Taxhikistanit.