Dhjetëra njerëz të dëshpëruar kanë qëndruar jashtë aeroportit të Rinasit, të cilët presin për ndonjë zhbllokim të situatës së krijuar nga bojkotimi i punës së 65 kontrollorëve të Albcontrollit, duke shkaktuar pezullimin e fluturimeve ajrore. Kjo situatë ka shkaktuar kaos dhe qytetarët flasin se janë prej orësh që presin në ndryshimin e situatës së krijuar. Pasagjerët që kanë prerë biletat shprehin shqetësimin dhe për faktin se kanë kryer tamponin Covid dhe se sipas rregullave të shtetit gjerman ai duhet të jetë kryer brenda 24 orëve. Në emisionin “Breaking” në Top News qytetarët shoprehin shqetësimin dhe pritjen prej disa orësh. Sinkron: Ndërkohë, ministria e Transportit njofton se kanë bërë kërkesë te të gjitha vendet dhe Eurocontrol për të sjellë kontrollorë të tjerë, por ende nuk ka asnjë përgjigje prej tyre. Negociatat po bëhen me vende të Bashkimit Evropian dhe ato të Ballkanit.