Ledian Qorraj ka rënë në prangat e policisë në Skrapar, pasi është kapur duke u kujdesur për disa bimë narkotike, të cilat i kishte kultivuar. Ai është zbuluar nga kontrollet dhe hetimet, që janë kryer nga Komisariati i Policisë Skrapar, në bashkëpunimin me Drejtorinë Vendore të Policisë Berat dhe me Prokurorinë e Beratit në kuadër të planit operacional kombëtar anticannabis, të koduar “Territor i pastër”. Sakaq janë asgjësuar mbi 340 bimë kanabisi si dhe janë sekuestruar një sasi fishekësh luftarak. 31-vjeçari i kishte kultivuar këto bimë dhe njëkohësisht kishte hapur 100 gropa në zonë, për të kultivuar bimë të tjera. Ndërkohë është proderuar penalisht në gjendje të lirë vëllai i të arrestuarit për bashkëposedim të sendeve të tjera të jashtëligjshme. Në pamjet e siguruara gjatë periudhës së hetimeve, Ledian Qorraj shfaqet duke u kujdesur vazhdimisht për bimët narkotike.