Prokurori Kreshnik Ajazi ka kërkuar ” burg pa afat” për Erion Alibej i cili porositi vrasjen e Emiljano Ramazanit dhe Regis Runajt. Edhe gjyqtarja Pajtime Fetahu ka pranuar kërkesën e Prokurorit dhe ka lënë në fuqi kërkesën e tij. Alibej u arrestua mesjavën e kaluar gjatë operacionit policor “Shkumbini”. Erion Alibej dhe vellai i tij Endrit Alibj nuk jane te panjohur për drejtësinë. Të dy vëllezërit janë arrestuar më 4 qershor 2013 nga autoritetet italiane, si pjese e nje grupi trafikantesh, që banonin në provincën e Astit ne Itali, nga ku administronin një trafik të konsiderueshëm droge të tipit kokainë. Gjatë arrestimit vëllezërve Alibej u janë gjetur në dy banesat e tyre në Asti rreth 15 kg kokainë e fshehur, ndërsa në total gjatë operacionit me 15 të arrestuar u dokumentua si pjesë e trafikut 31 kg lëndë narkotike me vlerë mbi 10 milionë euro. Në aktivitetin e tyre kriminal grupi i vëllezërve Alibej përdornin pseudonime si Tarzani, Tino, Ciçio, Bimbo, ndërsa në gjuhën e kriptuar kokaina identifikohej me fjalën “foto”.