Ministria e mbrojtjes e Polonisë nënshkroi të hënën një marrëveshje të rëndësishme "me Boeing dhe General Electric" për blerjen e helikopterëve luftarakë AH-64E Apache, me qëllimin kryesor; rritjen e sigurisë kombëtare të saj. Në total, marrëveshja kap vlerën e rreth 230 milionë eurove. Marrëveshja është nënshkruar nga zëvendësministri polak i Mbrojtjes Pavel Bejda dhe zyrtarët e dy kompanive Boeing dhe General Electric. “Ushtria polake është gati të blejë këta helikopterë, të cilët do të forcojnë me të vërtetë gatishmërinë tonë, sigurinë tonë përballë asaj që po ndodh përtej kufijve të Republikës së Polonisë, në Ukrainë”, tha Bejda. Kontrata me Boeing vlerësohet se shkon në rreth 93 milionë euro ndërsa marrëveshja me General Electric ka një vlerë prej rreth 123 milionë eurosh. Blerja e 96 helikopterëve sulmues AH-64E Apache u njoftua nga qeveria e mëparshme polake, që në vitin 2022.