Policia rrugore ka shtrirë kontrollet e saj intensive në të gjitha akset rrugore nacionale si dhe në qendrat urbane. Shkak për zgjerimin e kontrolleve masive janë bërë aksidentet që kanë tronditur opinionin publik e kanë marrë jetë njerëzish si pasojë e garave dhe manovrave me shpejtësi ektreme të makinave të luksit. Pavarësisht numrit të lartë të aksidenteve rrugore, duket se drejtuesit e mjeteve vijojnë të neglizhojnë tabelat e qarkullimit rrugor, të cilat përcaktojnë saktësisht nivelin e lejuar të shpejtësisë në akset rrugore. Në harkun kohor të 24 orëve janë pezulluar gjithsej 41 leje drejtimi, nga të cilat 29 për drejtim mjeti me shpejtësi tej normave të lejuara dhe 12 për drejtim mjeti nën efektin e alkoolit apo në gjendje të dehur. Sezoni veror ka shtuar radhët e gjata të automjeteve, në rrugët lidhëse me zonat bregdetare. 113 drejtues mjetesh, të cilët nuk kanë qëndruar në radhë për shkak të fluksit të madh të automjeteve që kthehen nga plazhet, kryesisht gjatë orëve të pasdites jane ndëshkuar me masë administrative. Përdorimi i autmojeteve nën efektin e alkoolit apo pa leje dretjimi, ka bërë që si rezultat i përdorimit të radarëve, dragerave dhe kamerave të arrestohen në flagrancë 9 drejtues mjetesh Policia Rrugore apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të respektojnë rregullat e qarkullimit rrugor.