Policia e shtetit po vijon në të gjithë vendin aksionin për parandalimin dhe goditjen e veprimtarisë kriminale dhe kapjen e personave në kërkim. Në të gjithë vendin, gjatë 24 orëve të fundit janë vënë në pranga 23 persona, për vepra të ndryshme penale, 6 janë proceduar penalisht dhe 5 të tjerë janë shpallur në kërkim. Gjithashtu janë sekuestruar tri armë zjarri, nga tw cilat dy pistoleta dhe një kallashnikov, rreth 10 kilogramë lëndë narkotike kanabis, dy armë të ftohta dhe një armë gjahu. Po kwshtu janë ushtruar dhjetëra kontrolle në lokale, banesa, ambiente të ndryshme dhe vende të dyshuara për fshehje të sendeve të kundërligjshme apo përdorim të lëndëve narkotike.