Një sasi e madhe lëndë narkotike është sekuestruar këtë të shtunë nga policia greke. Departamenti i anti drogës së Igumenicës dhe agjentët e krimit ekonomik të Epirit sekuestruan 320 kg kanabis sativa. Policia helne bën me dije se lënda narkotike u kap në brendësi të një ambulancë e cila i përkistë një klinike private. Sipas mediave greke ambulance kishte si destinacion Athinën, kryeqytetin e vendit, ndërsa thuhet se droga ishte ngarkuar në zonën kufitare me Shqiërinë. Policia greke vuri në pranga shoferin e ambulancës, 50 vjec, ndërsa gjatë kontrollit fizik të ushtruar ndj tij efektivëet gjetën dhe sekuestruan 900 euro kash,3 celularëa dhe 2 doza kokainë për përdorim personal. Përpara hetuesve i arrestuari deklaroi se lëndën narkotike e kishte marrë në dorëzim prej një shtetasi shqiptar, dhe do ta dorëzonte në athinë, në një adresë që ende nuk e di, pasi sipas tij trafikantët do ta njoftonin kur droga të mbërrinte në kryeqytet, se ku dhe kujt do tja dorëzonte. Nga ana tjetër, autoritetet greke janë yë bindur se organizatat kriminale shqiptare vazhdojnë prodhimin e kanabisit në vendin tonë, por janë tepër të kujdeshme përsa i përket transportit të saj, duke zgjedhur mjete dhe metoda të pa eksploruara më parë prej tyre.