Kryetarja e Këshillit Kombëtar të Integrimit Jorida Tabku, Nënkryetari i Kuvendit Agron Gjekmarkaj dhe Kryetari i Grupit Parlamentar të Partisë Demokratike Gazment Bardhi, zhvilluan një takim me Komisioneren Europiane për Zgjerimin, znj. Marta Kos. Ata, sipas zyrws sw shtypit tw PD, e informuan Komisioneren Kos për zhvillimet në Shqipëri, duke e garantuar se opozita e mbështet procesin e integrimit. Ky proces sipas zyrtarëve demokrat duhet të jetë i bazuar në ligje e në reforma konkrete dhe jo të vijë si dhuratë nga Bashkimi Europian. Zyrtarwt demokratë e kanë njohur zyrtaren e lartë të Bashkimit Europian, me tentativën e mazhorancës për të zhbërë rolin e opozitës në Kuvend dhe refuzimin për të zbatuar Vendimet e Gjykatës Kushtetuese. Po ashtu nw fokus tw bisedws ishin dhe zgjedhjet parlamentare, ku Marta Kos u njoh me shqetësimet legjitime të opozitës, nga përdorimi i administratës dhe burimeve shtetërore, presioni ndaj votuesve, përdorimi i artificave për të penguar regjistrimin e lirë të votuesve në diasporë si dhe përfshirja e krimit të organizuar në proces. Ata u ankuan gjithsahtu edhe me argumentin se opozita ndodhet nën sulm duke akuzuar Kryeministrin Edi Rama se po përdor drejtësinë për këtë qëllim. Duke sjellw si rast mwswn e sigurisw arrest shtwpie ndaj Berishws. Tabaku, Gjekmarkaj dhe Bardhi i kërkuan Komisoneres Kos, se tashmë që është hapur grupkapitulli themelor dhe zgjedhjet janë pjesë e tyre, Bashkimi Europian të monitorojë me vëmendje të shtuar këtë proces.