Një grup hakerash të lidhur me Izraelin, të njohur si "Predatory Sparroë" (harabelë grabitqarë), pretendohet se kanë paralizuar pjesën dërrmuese të pikave të karburantit në Iran, në shenjë hakmarrjeje. Media shtetërore iraniane raportoi se afro 70 për qind e pikave të karburantit ishin jashtë funksioni të hënën pas një goditjeje të mundshme sabotazhi. Në një deklaratë, grupi i hakerave tha se sulmi kibernetik vjen si reagim ndaj agresionit të republikës islamike dhe aleatëve të saj në rajon. “Khamenei po luan me zjarrin dhe kjo e ka një cmim”, shtuan ata duke iu referuar liderit suprem të Iranit. Ministri iranian i naftës tha për televizionin shtetëror të vendit se një problem në softuer kishte shkaktuar problemin në pikat e karburantit dhe se 30 për qind e rreth 33 mijë pikave në vend, ishin në shërbim.