Policia kufitare e Korçës ka kapur dy persona që po transportonin drogë në kufirin shqiptaro-grek, duke finalizuar me sukses operacionin antidrogë të koduar “Pusteci”. Sipas njoftimit të policisë janë kapur në flagrancë një 41 vjeçar, banues në fshatin Vithkuq, Korçë dhe një 54 vjeçar, banues në fshatin Pojan, Maliq, i dënuar më parë për veprën penale “Mbajtja pa leje e armëve dhe municioneve luftarake. Ata janë kapur nga shërbimet e Policisë, në afërsi të fshatit Cerje, Pustec, në kufirin e gjelbër me Greqinë, me dy çanta shpine, brenda të cilave u gjetën dhe u sekuestruan në cilësinë e provës materiale 21 kg e 500 gr. lëndë e dyshuar narkotike kanabis, e ndarë në pako. Dy të arrestuarit këtë sasi droge po tentonin ta trafikonin në drejtim të Greqisë. Nga ana e Policisë po punohet për identifikimin dhe vënien përpara përgjegjësisë ligjore edhe të personave të tjerë të implikuar në këtë ngjarje