Një avion luftarak rus ka shpërthyer në ajër, mbi qiellin e Donetsk-ut, I cili dyshoht të jetë goditur nga trupat e sulmit ajror të Ukrainës. Për mrekulli, piloti rus arriti të hidhej përpara se avioni i tij të përplasej në tokë pranë një fshati në periferi të qytetit Marinka. Ndonëse mediat ruse shkruajne për rrëzimin e avionit, ata nuk e pranojnë se avioni i Moskës ishte goditur nga një armë kundërajrore ukrainase, duke deklaruar thjesht se "shkaqet e rrëzimit po hetohen". Teksa lufta vijon në Ukrainë, kryeministri ukrainas Denys Shmyhal po planifikon të vizitojë Kanadanë për të kërkuar furnizime me municion dhe automjete të blinduara për të nisur një kundërofensivë ndaj forcave ruse. “Tani na duhen automjete të blinduara të rënda. Dhe ne kemi nevojë për më shumë predha artilerie dhe municion për tanke”, tha Shmyhal. Ukraina pritet të nisë një kundërofensivë për të rimarrë tokën në jug dhe lindje të vendit nga forcat ruse në javët ose muajt e ardhshëm. Ukraina përballet me një deficit buxhetor të paprecedentë këtë vit për shkak të shpenzimeve të mëdha ushtarake për të luftuar pushtimin rus, prandaj ajo ka shpresa te mbështetja europiane. Pamjet: AFP