Edhe deri një ditë më parë në shtetin kyc të Pensilvanisë kryesonte Donald Trump, sfidanti I tij demokrat duket se ka arritur ta përmbysë rezulatin. Pas numërimit të 98% të votave atje, Biden duket se është në krye. Dhe ndërsa demorkati numëron deri tani 253 vota elektorale, po siguroi edhe 20 votat e Pensilvanisë, ai arrin praghun e 270 votave të Kolegjit elektoral që nevojitet për të marrë presidencën amerikane. Kryetarja e Dhomës se pafaqëesueve, Nancy Pelosi deklaroi nga Capitol Hill se tashmë është e qartë që Joe Biden dhe zëvendesja e tij Kamala Harris e kanë të hapur rrugën drejt Shtëpisë së Bardhë. Kur u pyet për faktin që demokratët nuk e moren dot edhe senatin, Pelosi u shpreh: Nuk fituam cdo betejë, por ama fituam luftën. Në Pensilvani, kandidati demokrat Joe Biden wshtw 9.027 pwrpara Trumpit. Në shtetin e Arizonës, epërsia e tij është 43,569 me vota, sipas Edison Research. Avokati i ekipit elektoral të presidentit Trump, u shpreh përmes një postimi në Twitter se "parashikimi fals i fitores së Joe Biden-it, bazohet në rezultatet e katër shteteve ku shifrat janë larg së qëni përfundimtare". "Në Xhorxhia", thotë ai, "do të ketë rinumërim", duke shprehur besimin se do të gjenden pasaktësi që do t'ia japin fitoren Presidentit Trump. Në Nevada, shton më tej avokati i ekipit elektoral, "ka dyshime se mijëra vota me postë janë të paligjshme". Presidenti, përfundon avokati Matt Morgan, do të fitojë në Arizona, përkundër parashikimeve të gabuara të rrjetit Fox News dhe agjencisë së lajmeve Associated Press, që ia kanë dhënë këtë shtet Bidenit. Trump publikoi me heret disa komente në Twitter, ku përsëriti ankesa që kishte bërë para një dite nga Shtëpia e Bardhë. "Unë e FITOJ lehtësisht presidencën e Shteteve të Bashkuara me VOTAT E LIGJSHME TË HEDHURA,” tha ai. Twitter i vuri një etiketë postimit si “ndoshta i pasaktë”, siç ka vepruar edhe me postime të tjera të shumta të Presidentit Trump që nga dita e zgjedhjeve.