Japonia tha të dielën se avionët luftarakë kinezë kishin shënjestruar në radar avionët ushtarakë japonezë në dy incidente "të rrezikshme" pranë ishujve Okinaëa të Japonisë, një deklaratë kjo që Pekini e mohoi. "Këto shënjestrime shkuan përtej asaj që është e nevojshme për fluturimin e sigurt të avionëve", shkroi Ministri i Mbrojtjes Shinjiro Koizumi në X, duke shtuar se Japonia kishte paraqitur një protestë në Kinë për incidentin e së shtunës. Koizumi tha se Japonia do t'i përgjigjej "me vendosmëri dhe qetësi" sjelljes së Kinës për të ruajtur paqen dhe stabilitetin rajonal. Një zëdhënës i marinës kineze tha ndërkohë se avionët japonezë i ishin afruar në mënyrë shqetësuese marinës kineze ndërsa ajo po kryente stërvitje në një aeroplanmbajtëse në lindje të ngushticës Miyako, të paralajmëruara më parë. Takimet pranë ishujve të pretenduar nga Japonia dhe Kina janë përplasjet më serioze mes dy ushtrive në vite dhe ka të ngjarë të përshkallëzojnë më tej tensionin midis dy fuqive të Azisë Lindore.