Partitë kryesore politike të Gjermanisë do të zbulojnë manifestet e tyre të martën, duke ofruar vizione konkurruese për të nxjerrë ekonominë më të madhe të Evropës nga gjendja e vështirë në të cilën ndodhet, ndërkohë që luftojnë një rritje të së djathtës ekstreme përpara zgjedhjeve të parakohshme të 23 shkurtit. Gjermanët do të shkojnë në votime pasi koalicioni trepalësh i kancelarit Olaf Scholz u shemb muajin e kaluar, me gjasë, duke shënuar fundin për liderin më jopopullor të Gjermanisë në kohët moderne dhe kthimin në pushtet të konservatorëve të opozitës. Zgjedhjet vijnë në një kohë të vështirë për Gjermaninë. Ekonomia e saj do të tkurret për të dytin vit radhazi, gjigantët industrialë si Volksëagen përballen me një kërcënim ekzistencial nga rivalët e huaj dhe qëndrimet politike po forcohen ndaj emigrantëve. Detajet e manifesteve zgjedhore të partive kanë dalë tashmë, me ekonominë, mirëqenien, migrimin dhe luftën në Ukrainë që dominojnë. Fushata ka filluar pasi Scholz humbi një votëbesimi të hënën në parlament, ashtu siç pritej.