Dy persona kanë rënë në prangat e policisë për shkak të një konflikti për motive të dobëta. Ndërkohë nga Policia e Matit është kapur dhe ndaluar një shtetas i shpallur në kërkim për “Dhunë në familje”. Rreth orës 14:00, te se martes, shërbimet e Komisariatit të Policisë Bulqizë kanë marrë informacion se në vendin e quajtur “Pishat”, Bulqizë, po ndodhte një konflikt mes disa personave. Menjëherë shërbimet e Policisë kanë shkuar në vendin e ngjarjes, ku kanë konstatuar se pas një debati për motive të dobëta, A. M. ka goditur me mjet prerës (thikë), F. Xh., ndërsa ky i fundit e ka goditur shtetasin A. M., me një dërrasë, duke shkaktuar dëmtime të lehta. Në përfundim të veprimeve të para hetimore, nga specialistët për Hetimin e Krimit u bë arrestimi në flagrancë i shtetasve F. XH., 25 vjeç dhe A. M., 28 vjeç, të dy banues në Bulqizë.