Tefik Shehu i cili ishte në arrati dhe I shpallur në kërkim është vënë në pranga nga policia, si një nga autorët e palgosjes me armë zjarri të 20 vjecarit Arni Sulejmani. Ngjarja ndodhi më 9 dhjetor në një dhomë hoteli në autostradën Durrës Tiranë. Arni Sulejmani i cili mbeti i plagosur u qëllua nga 26 vjecari Markeljan Beqiri me një plumb në zonën e bërrylit. Ky I fundit po ashtu është shpallur në kërkim për veprat penale “Vrasja me dashje” mbetur në tentativë dhe “Armëmbajtja pa leje”. Natën e ngjarjes policia njoftoi se në pranga janë vënë edhe Anxhela Brisku, e cila dyshohet të jetë transgjinore si dhe Enver Hysenaj. Ky I fundit pasi strehoi shtetasen Anxhela Brisku dhe sepse nuk e kallëzoi ngjarjen në polici. Nga ana tjetër, Brisku akuzohet për veprat penale “Armëmbajtja pa leje”, “Veprime që pengojnë zbulimin e së vërtetës” dhe “Moskallëzim krimi”, pasi sipas policisë, kjo shtetase, menjëherë pas ngjarjes, ka marrë armën e zjarrit dhe e ka fshehur në pjesën e pasme të hotelit.