Gjykata e Tiranës ka vendosur masën e sigurisë arrest me burg për autorët e plagosjes së 2 të rinjve në zonën e ish parkut në Tiranë, ngjarje kjo e ndodhur disa ditë më parë. Gjykata ka lënë në burg dy të arrestuarit Daniel Manushi dhe Farjon Palushi. Ndaj tyre rëndon akuza e “vrasjes me dashje, mbetur në tentativë”. Ndërsa pr t plagosurin Aleksandër Nikolli, I cili u arrestua për moskallëzim krimi do hetohet në gjendje të lire. Në dëshmitë e tyre përpara autoriteteve dy te rinjte thane se konflikti ndodhi për shkaqe banale dhe se nuk njoheshin me djemtë që mbetën të plagosur. Përsa i përket armës së krimit Manushi është shprehur se arma nuk ka qenë e tyre po shoku i tij Farjon Palushi ja ka marrë nga dora personave me të cilët u konfliktua. Të njëjtën gjë dëshmoi edhe Palushi përpara policisë. Ngjraja u regjistrua më datë 13 tetor. Manushi dhe Palushi plagosën me armë zjarri në këmbë Aleksandër Nikolli 27-vjeç dhe Xhulio Vela 25-vjeç.