Policia e Elbasanit ka arrestuar një 54-vjeçar, i cili ishte në kërkim ndërkombëtar nga autoritetet italiane. Në pranga ka rënë shtetasi R.E 54 vjeç, për të cilin Gjykata e Torinos në Itali ka caktuar masën arrest me burg për “Pjesëmarrje në organizatë kriminale për vjedhje me dhunë dhe grabitje”. Arrestimi u realizua nga specialistët për Hetimin e Krimeve të Rënda në Drejtorinë Vendore të Policisë Elbasan, në bashkëpunim me Interpol Tirana, pas një pune të mirorganizuar, lokalizuan, kapën dhe arrestuan 54 vjecarin. Kapja dhe ndalimi i tij u bë pasi Gjykata e Torinos, Itali, në datën 25 nentor te vitit 2020, i ka caktuar masën e sigurisë “Arrest në burg”, për veprën penale “Pjesëmarrje në organizatë kriminale për vjedhje me dhunë dhe grabitje”, parashikuar nga Kodi Penal italian. Veprimet e mëtejshme për këtë shtetas do të kryhen nga Zyra e Interpolit Tiranë.