Reagimet ndërkombëtare për sulmin e rëndë në plazhin Bondi të Australisë ishin të shumta, lidëerët ndërkombëtare njëzëri u shprehën kundër akteve të tilla të rënda Kryeministri australian, Entoni Albanese e dënoi i pari sulmin, ndërsa ngjarjen e cilësoi një “akt të keq antisemitizmi” që synonte komunitetin hebre. Albanese mblodhi urgjentisht Këshillit të Sigurisë Kombëtae dhe u zotua se qeveria e tij do të punojë për zhdukjen e urrejtjes dhe terrorizmit. Sipas Albaneses, në këtë sulm u godit mënyra australiane të jetesës ndërsa siguroi mbështetje të fortë për komunitetin hebre. Mes atyre që dënoi sulmin ishte presidenti amerikan Donald Trump. Presidentja e Komisionit Evropian, Ursula von der Leyen shprehu tronditje dhe ngushëllimet e saj për familjet e viktimave. “Evropa qëndron me Australinë dhe komunitetet hebraike kundër urrejtjes dhe dhunës”, tha ajo. Kryeministri britanik Keir Starmer, dhe liderë të tjerë e dënuan sulmin si akt urrejtjeje dhe theksuan luftën kundër antisemitizmit. Presidenti francez Emmanuel Macron tha se Franca do të vazhdojë të luftojë çdo formë urrejtjeje. Ndërsa kancelari gjerman shprehu “shqetësimin e thellë teksa u solidarizua me familjet e viktimave dhe komunitetin hebre.