Vrasja e Fajon Dervishit në Durrës vijon të jetë e pazbardhur, ndërkohë që policia po heton në disa pista. Një prej tyre ka të bëjë me trafikun e drogës, aktivitet në të cilin ishte i përfshirë viktima., Ky i fundit rezultoi se ishte hetuar në Holandë pikërisht për trafikun e lëndëve narkotike. Një tjetër pistë lidhet me vëllain e tij, Fatbardh Dervishin. Ky i fundit ndodhet në burg, për shkak se në fillim të vitit 2022, plagosi të dashurën e tij 23 vjec, brenda një hoteli në qytetin e Durrësit. Ndonëse e reja tha për policinë se plagosja ishte pa qëllim, në fakt kjo nuk pengoi autoritett të dënonin Fatbardh Dervishin, Shkaku i plagosjes ende nuk dihet. Vëllai i viktimës në fakt përmendet edhe në një tjetër ngjarje. Ka të bëjë pikërishme zhdukjen e shtetasit Taulant Malshi nga Lezha, ngjarje për të cilën kanë kaluar rreth 5 vite. Ky person rezulton i zhdukur në Malaga të Spanjës dhe për herë të fundit, sipas dëshmisë së shokut të tij, ai u pa me Fatbardh Dervishin.