Ekuipazhi i misionit Artemis II ka përfunduar fluturimin historik rreth Hënës dhe po kthehet drejt Tokës, ku pritet të ulet në brigjet e San Diegos. Katër astronautët në bordin e anijes Orion thanë se kanë ende shumë fotografi dhe histori për të ndarë me botën nga kjo eksperiencë unike. Misioni shënoi një rekord të ri për udhëtimin njerëzor në hapësirë, duke arritur mbi 400 mijë kilometra larg Tokës, më shumë se çdo mision tjetër ndonjëherë. Gjatë kthimit, ekuipazhi po vijon eksperimente dhe analiza, ndërsa theksuan rëndësinë shkencore të vëzhgimeve të kryera gjatë misionit. Ata përjetuan edhe momente izolimi të plotë, kur humbën kontaktin me Tokën, por theksuan se puna shkencore ishte prioritet. Anija Orion pritet të përballet me fazën më kritike të misionit, rikthimin në atmosferë me shpejtësi të lartë dhe uljen në Oqeanin Paqësor, një test kyç për teknologjinë që do të përdoret në misionet e ardhshme drejt Hënës dhe Marsit.