Ambasada Amerikane në Tiranë ka reaguar pas vendimit të DASH që duke nisur nga 21 janari 2026, pezulloi vizat emigruese për 75 vende, mes tyre edhe Shqipëria. Teksa i referohet deklaratave të presidentit të ShBA Donald Trump, theksohet se emigrantët duhet të jenë financiarisht të vetë-mjaftueshëm dhe të mos përbëjnë barrë financiare për amerikanët. Ambasada njofton se Departamenti i Shtetit po kryen një rishikim të plotë të të gjitha politikave, rregulloreve dhe udhëzimeve për të siguruar që emigrantët nga 75 vendet, të cilat I klasifikon me rrezik të lartë të përdorimit të përfitimeve publike në SHBA. Sipas njoftimit zyrtar, të gjithë shtetasit që kanë aplikuar për vizë emigruese, që vijnë nga shtetet e prekura nga vendimi, mund të dorëzojnë aplikimet për vizë dhe të marrin pjesë në intervista, por nëse e fitojnë, gjatë kësaj periudhe pezullimi asnjë vizë nuk do të lëshohet. Përjashtim sipas ambasadës, ka për ata persona që janë me dyshtetësi, dhe që aplikojnë me një pasaportë të vlefshme të një vendi tjetër që nuk preket nga vendimi. Po ashtu sqarohet, se të gjithë ata persona që e kanë tashmë një vizë emigimi, nuk I është hequr. Ambsada amerikane sqaron po ashtu se ky vendim I pezullimit, vlen vetëm për aplikantët e vizave emigruese dhe jo ato të vizave turistike.