Industria e Drurit është një prej sektorëve të prekur nga pezullimi i Fondeve amerikane pas vendimit të presidentit Trump për USAID-in. Që nga paslufta, industria e drurit në Kosovë përfitoi nga fondet e USAID-it. Pezullimi i fondeve ka ngritur shqetësim se do të nidkojë edhe në eksport, ndërsa pasojat besojnë se do të jenë të parikuperueshme. Në urdhrin ekzekutiv të Trumpit është bërë thirrje për pezullim 90-ditor të ndihmave, me qëllim të vlerësimit të efikasitetit dhe “konsistencës me politikën e jashtme amerikane”. Një ditë më parë sekretari amerikan i Shtetit, Marco Rubio, i cili ka marrë postin e ushtruesit të detyrës të USAID-it tha se është duke u shqyrtuar mundësia që kjo agjenci të riorganizohet duke shtuar se ka shumë funksione të USAID-it “që do të vazhdojnë” por “duhet të jenë në linjë me politikën e jashtme amerikane”. Oda Ekonomike e Kosovës, vlerëson se mbyllja e USAID-it do të kishte pasoja negative për Kosovën. Sipas Odës, USAID-i ka luajtur një rol jetësor ne zhvillimin e Kosovës, që nga viti 2000, duke investuar 1 miliard euro duke ndihmuar në zhvillimin e sistemit arsimor dhe veçanërisht atë juridik, ndërsa e ka ndihmuar Kosovën të anëtarësohet edhe në organizata ndërkombëtare.