Sali Berisha iu përgjigj për të dytën javë rresht shënimeve të javës të Edi Ramës. Në përgjigjen e kësaj të diele, kreu i PD akuzoi Kryeministrin se fshehu kritikat e Bashkimit Europian ndaj qeverisjes së tij dhe për mbrojtjen e Belinda Ballukut. Sinkron Berisha - Shqipëria javën që kaloi ishte e tëra në bankën e akuzës për shkak të Edi Ramës, mbrojtjes që ai u bën vjedhjeve të tij dhe të rrethit të tij, për shkak të sulmeve të egra, kërcënimeve të mëdha që i bëri sistemit të akuzës, vetëm e vetëm sepse e di që radha është e tij. Në ekspozenë e tij, ai fshehu denoncimin që iu bë Shqipërisë në Bruksel, qoftë në Parlamentin Europian, qoftë në raportin e miratuar nga zyrtarët e lartë të Komisionit Europian. Në fjalën e tij ai fshehu sulmin e shëmtuar që i bëri Gjermanisë, vendit donator dhe mik që i ka dhënë Shqipërisë 1 miliardë e 500 milionë euro, vetëm e vetëm sepse ky vend nuk pajtohet me vjedhjet e Edi Ramës dhe anturazhit të tij, dhe kërkon nga Shqipëria të respektojë shtetin ligjor, Kushtetutën dhe ligjet e vendit. Nuk foli për sulmet e tjera që bëjnë grupin parlamentin, por u tha shqiptarëve se Lubia ka bërë një punë të jashtëzakonshme duke dëshmuar se është skllav total i saj, mbasi në çdo firmë vjedhje të Lubisë është porosia e tij me shkrim dhe me gojë. Kreu i PD tha se bllokimi i rrugës në Librazhd është tërësisht nga dora e njeriut dhe fajësoi Edi Ramën për lejet e dhëna për marrjen e inerteve nga shtrati i lumit Shkumbin.