Peshkaqenët e bardhë, vrasës, po i drejtohen Britanisë ndërsa po i largohen ujërave të nxehtë në mesdhe. Sipas ekspertëve, gjahtarët vdekjeprurës aktualisht rrethojnë ishujt në mesdhe, si Ibiza dhe Majorca, por mund të fillojnë ti drejtohen veriut ndërsa detet po ngrohen. Ka patur disa raste të pikasjes së peshkaqenëve të mëdhenj, të bardhë, në Mesdhe, dhe shkencëtarët mendojnë se peshkaqenët mund ti drejtohen tani Britanisë së Madhe. Një peshkaqen gjigand është fotografuar në bregun jugore të Majorkës, gjatë sezonit të pushimeve në 2018-ën, dhe një tjetër u pikas nga një zhytës afër Maltës. Tani, një ekip shkencëtarësh po kërkon të zbulojë se sa peshkaqenë ka në mesdhe. Ndërkohë, ekspertët thonë se ka patur të paktën 10 raporte të besueshme të krijesave të frikshme në ujërat e ishujve britanikë. Ndërsa temperatura e deteve po rritet për shkak të ngrohjes globale, druhet se peshkaqenët do të zhvendosen gjithnjë e më në veri, në ujëra ku nuk kanë qenë më parë. Cornëalli në britaninë e madhe, është konsideruar si ‘shtëpia’ e ardhshme, e mundshme, e peshkaqenëve të mëdhenj të bardhë, me këta të fundit që do të tërhiqen nga bollëku i fokave që jetojnë atje.