Pesë policë të Kosovës janë ndaluar nga autoritetet serbe në pikat kufitare dhe po mbahen pa asnjë sqarim tha Ministria e Punëve të Brendshme të Kosovës. Mes të ndaluarve është zv/drejtori i policisë së Kosovës me kombësi serbe Dejan Jankoviç dhe katër efektivë të tjerë. Jankoviç - i cili vjen nga komuna e Shtërpcës - u ndalua në pikën kufitare me Serbinë, Jarinjë, në veri të Kosovës, dhe u dërgua për intervistim në qytetin jugperëndimor të Serbisë, Rashkë.