Ukraina ka bombarduar tunelin më të gjatë hekurudhor të Vladimir Putinit, 5 mijë metra thellë në rusi, duke ndërprerë kështu lidhjen kryesore të vendit me Kinën. Katër shpërthime janë regjistruar në tunelin 16 kilometra të gjatë në malet Severomuski, ndërsa një tren kalonte përmes tij, një natë më parë, duke paralizuar një trajektore të rëndësishme furnizimi me armë të vednit – thanë burime të sigurisë. Një burim madje pretendon se shërbimi ukrainas i inteligjencës, SBU, qëndron pas sulmit në lindjen e largët të rusisë. Një tren mallrash me 41 vagonë, përfshirë tre cisterna të mbushura me karburant për avionët, raportohet të jetë hedhur në erë. Është e paqartë nëse eksplozivët ishin fshehur brenda tuneli apo ishin vendosur në trenin e mallrave para se ai të hynte brenda. Shënjestra është më e thella përtej linjave armike të cdo akti sabotazhi deri më sot. Media ruse raportoi një zjarr në tunel, por nuk dha më shumë detaje se cfarë e kishte shkaktuar atë. Ajo tha se trena të specializuar për rastet e zjarreve kishin mbërritur në vendngjarje dhe nuk kishte asnjë person të lënduar. Një burim nga kievi tha se shpërthimet kishin paralizuar linjën Baikal Amur, që është rreth 4500 km e gjatë dhe niset nga rusia qendrore për në bregun e saj lindor në detin e japonisë. Ndërkohë vetë SBU nuk ka bërë ndonjë koment. Sidoqoftë, një burim sigurie tha për britaniken The Sun se SBU vazhdon ta mbajë rusinë nën presion konstant. Presidenti rus vladimir Putin i ka kërkuar kinës armë për të mbajtur gjallë luftën në ukrainë, por deri më tani, Xi Jinping, të paktën publikisht, ka refuzuar ta bëjë këtë. Sidoqoftë, sulmi në tunel mund të dëmtojë rëndë tregtinë e rusisë me kinën. Po ahstu ai mund të kufizojë lëvizjet e trupave ruse dhe furnizimeve ushtarake nga rusia lindore.