Uniformat ‘blu’ të Lushnjës, kanë finalizuar operacionin policor ‘Koordinimi’, duke goditur një rast të përshtatjes së ambienteve për përgatitje dhe shpërndarje të drogave të forta dhe një rast i shfrytëzimit për prostitucion. Dy shtetas, përkatësisht 40 vjeç me iniciale A.S. pronari I një servisi automjetesh, dhe 62-vjeçari me iniciale B.T. i punësuar, përfunduan në pranga, pasi kishin përshtatur biznesin, për përdorim e shitje të kokainës. Shërbimet e Policisë gjetën sasi lënde narkotike kokainë, e ndarë në doza, gati për shitje. Sipas njoftimit zyrtar, në pranga ka rënë dhe një 44 vjeçar, banues në Kuçovë, I cili kishte shkuar në ambientet e servisit, për të blerë lëndë narkotike, i shoqëruar nga një shtetase 24 vjeçe nga Kuçova, të cilën dyshohet se ai e shfrytëzonte për prostitucion.