Një 31-vjeçar ka rënë në prangat e policisë së Vlorës, pasi ka shkaktuar një aksident me katër të plagosur mbrëmjen e së shtunës. Aksidenti ka ndodhur në zonën e Lungomares, ku shoferi ka qenë duke drejtuar automjetin tip “Volksëagen”, në gjendje të dehur. Për shkak të kesaj drejtuesi i mjetit nuk ka arritur te kontrollojë mjetin e tij dhe ka aksidentuar në vijat e bardha dy shtetase dhe dy fëmijë të mitur, të cilët ndodhen në spital jashtë rrezikut për jetën. Ndërkohë Sektori i Policisë Rrugore në Drejtorinë Vendore të Policisë së Vlorës ka arrestuar një tjetër person, pasi në aksin rrugor Vlorë-Himarë, ka humbur kontrollin e mjetin dhe është përplasur me një tjetër automjet, ku janë shkaktuar vetëm dëme materiale. Mësohet se dhe ky aksident është shkaktuar për shkak se njëri nga shoferët ka qenë në gjendje të dehur.