Presidenti amerikan Joe Biden dhe kryeministri britanik Boris Johnson kanë ende shpresë se konflikti për Ukrainën mund të zgjidhet me rrugë diplomatike pavarësisht rritjes së tensioneve në Kiev me kalimin e orëve. Në një bisedë telefonike që zgjati më shumë se 40 minuta, Biden dhe Johnson theksuan se ka ende një dritare të rëndësishme për zgjidhje diplomatike për të shtyrë pas Rusinë nga kërcënimet për Ukrainën. “Liderët theksuan se çdo ndërhyrje në Ukrainë do të shkaktonte krizë për Rusinë, gjë që do të sillte pasojë të rënda për vetë atë dhe për mbarë botën”, shkruhet në deklaratën e Kryeministrisë britanike. Kryeministri Johnson i tha Biden se Mbretëria e Bashkuar është e përgatitur për të bërë gjithçka që mundet për të ndihmuar dhe Biden është përgjigjur duke thënë se nuk do të shkojnë askund të ndarë. Një zëdhënës i Doëning Street tha se kryeministri dhe presidenti biden kishin rënë dakord për një dritare të hapur për diplomacinë dhe se rusia duhej të tërhiqej nga kërcënimet e saj për Ukrainën.