Përmbytjet e shkaktuara nga moti i keq kanë qenë edhe në fokusin e policisë ditët e fundit, për tu ardhur kështu në ndihmë të gjithë atyre banoërve të cilët janë të rrezikuar nga prurjet e shumta të ujit si dhe për të strehuar disa prej tyre në ndonjë vend tjetër larg zonës së përmbytur. Drejtori i Përgjithshëm i Policisë së Shtetit Gledis Nano, që prej së shtunës ka urdhëruar të gjithë punonjësit e policisë që ti qëndrojnë në gatishmëri cdo qytetari që mund të ketë nëvojë për ndihmë. Vec reshjeve të shumta të cilat kanë bërë që disa lumenj të dalin nga shtrati edhë në zona malore ka patur vështirësi kalimi për shkak të reshjeve të shumta të dëborës, që kanë bllokuar shumë akse rrugore dhe e kanë bërë të pamundur kalimine automjeteve. Shërbimet e Policisë në të gjitha qarqet, janë të angazhuara në ndihmë të banorëve, në zonat ku është kërkuar ndihmë dhe në mbështetje të Emergjencave Civile, për të bërë të mundur pastrimin e rrugëve nga dëbora apo nga rënia e gurëve dhe rëshqitja e dheut. Në të gjitha akset rrugore, Policia Rrugore ka shtuar prezencën, për të orientuar dhe ndihmuar drejtuesit e mjeteve që kanë vështirësi në qarkullim.